WERAren biltzarrerako komunikazioak, posterrak eta sinposioak aurkeztera gonbidatzen zaituzte. 2027ko ekainaren 21ean, aurre-biltzarra egingo da, eta biltzarra bera 22tik 24ra izango da, Deustuko Unibertsitatean (Bilbo).
World Education Research Association (WERA) delakoak, hau da, Hezkuntza Ikerketarako Munduko Elkarteak, WERAren biltzarrerako komunikazioak, posterrak eta sinposioak aurkeztera gonbidatzen zaituzte. 2027ko ekainaren 21ean, aurre-biltzarra egingo da, eta biltzarra bera 22tik 24ra izango da, Deustuko Unibertsitatean (Bilbo). WERA elkarteak hezkuntza-ikerketako elkarte nazional, eskualdeko eta espezializatu nagusiak biltzen ditu. Ezagutzak partekatu, sareak garatu, gaitasunak indartzen lagundu eta hezkuntza-ikerketaren erabilera eta aplikazioa sustatzen ditu mundu osoan. WERAk ekimen globalak jarri nahi ditu martxan, edozein elkartek bere herrialde, eskualde edo espezializazio-arloan lortu duena baino haratago joateko helburuarekin. WERAk kide indibidualak eta instituzionalak ere baditu.
2027ko WERA biltzarrean, hitzaldiak, posterrak eta sinposioen proposamenak aurkezteko deia egiten zaie hezkuntza-ikerketan mundu mailako ikuspegia duten ikertzaile eta graduondoko ikasleei —azken horiek ikasketen etapa aurreratuetan egon beharko dute—. Proposamenak hitzaldi edo posterren saio batean sartzeko aurkeztu ahal izango dira. Halaber, sinposio bat antolatu nahi dutenei proposamenak aurkezteko gonbita egiten zaie.
Laburpenak aurkezteko eta berrikusteko prozesuaren urrats nagusiak
Komunikazioen laburpenak 500 hitz ingurukoak izango dira eta modu berean, argitaratzeko egokia den 150 hitzeko laburpena bidali beharko da.
Gehienez 500 hitzeko laburpen bat prestatu beharko da, eta, bertan, poster formatuan aurkezteko bereziki egokiak diren ikerketa-elementu espezifikoak jaso beharko dira.
Nazioarteko, konparaziozko edo mundu mailako ikuspegiak, 3–5 ikerketa-lanekin.
WERA biltzarrak azterlan-espektro zabala du. Azterlanok, gai orokorraren esparruan, bizi-ziklo osoa barne hartzen dute, hau da, lehen haurtzaroko hezkuntzatik hasi eta helduen enplegu eta hezkuntzarako prestakuntzaraino, eta hezkuntzako eta ikaskuntzako testuinguru formaletan zein informaletan garatzen dira. Biltzarrean, hitzaldiak, posterrak eta sinposioak nabarmentzen dira mundu mailako ikuspegi batetik. Oro har, WERA biltzarrak ikusgarritasuna eman nahi die konparaziozko, kulturarteko, nazioarteko edo nazioz gaindiko ikerketei, haien kontzeptualizazioa, irismena eta diseinuari dagokienez.
Hitzaldi eta posterren proposamenek zenbait irizpide bete beharko dituzte. Sinposioen proposamenetan zentro edo herrialde bakar batean egindako lanak sar daitezke, betiere hainbat herrialdetako lanak aurkezten badira eta sinposioaren helburuak mundu mailako gaien inguruan antolatzen badira. Hitzaldi, poster eta sinposioen proposamenei azken hamarkadan mundu mailan sortu den ezagutza laburbiltzeko eta etorkizuneko joerak eta ikerketa-ildoak aurreratzeko deia egiten zaie. Ez dago mugarik kontuan har daitezkeen hezkuntza-ikerketako gaiei dagokienez. Hala ere, lehentasuna emango zaie mundu mailan garrantzi handia duten joerak, gaiak eta erronkak jorratzen dituzten ikerketak eta emaitzak aurkezten dituzten proposamenei.
Proposamenaren informazioa/
Ikerketa/
Galderak eta ikuspegi teorikoa
250 hitz
Metodoak
100 hitz
Ondorioak eta emaitzak/
garrantzi zientifikoa
150 hitz
10 ERREFERENTZIA BIBLIOGRAFIKO GEHIENEZ
150 HITZEKO LABURPENA
Hainbat egile dituzten komunikazioetan, hura bidaltzeko ardura lehen egilearena izango da, nahiz eta egile hori ez izan komunikazioa biltzarrean aurkezten duen pertsona.
Proposamenaren informazioa/
Ikerketa/
Galderak eta ikuspegi teorikoa
250 hitz
Metodoak
100 hitz
Ondorioak eta emaitzak/
garrantzi zientifikoa
150 hitz
10 ERREFERENTZIA BIBLIOGRAFIKO GEHIENEZ
150 HITZEKO LABURPENA
sinposioaren laburpenaren gehieneko luzera
250 hitz
Proposamen/lan bakoitzaren laburpena
150 hitz
10 erreferentzia
+ koordinatzailea
+ esataria
Sinposio batekin, nazioarteko, konparaziozko edo mundu mailako ikuspegitik heldu ahal zaio hezkuntza-ikerketako arazo edo gai espezifiko bati, eta, horrez gain, hainbat ikuspegi txertatu, eztabaida sakona bultzatu, eta ezagutza eta esperientzia espezializatu ugari bildu daitezke.
23:59 CET
Onarpen-erabakiak jakinaraziko dira
Onartutako aurkezleek izena eman behar dute
Irizpideak, besteak beste: ikerketa-galderek mundu mailan duten garrantzia
Metodologiaren irmotasuna
Ikerketa-galderetarako metodoen egokitasuna
Emaitzen garrantzia
Ikerketaren ondorio eta inplikazioen koherentzia eta argitasun orokorra
